എൻ്റെ പ്രിയ സുഹൃത്തേ, ഇന്ന് നിങ്ങൾക്ക് ദൈവത്തിൻ്റെ ജ്ഞാന ദിനമാണ്. ദൈവം തന്റെ ജ്ഞാനത്താൽ നിങ്ങളെ അനുഗ്രഹിക്കാൻ ആഗ്രഹിക്കുന്നു. സദൃശവാക്യങ്ങൾ 28:26 ഇപ്രകാരം പറയുന്നു, "സ്വന്തഹൃദയത്തിൽ ആശ്രയിക്കുന്നവൻ മൂഢൻ; ജ്ഞാനത്തോടെ നടക്കുന്നവനോ രക്ഷിക്കപ്പെടും."

ഈ ലോകത്തിൽ മികവ് പുലർത്താനുള്ള ശക്തിയാണ് ജ്ഞാനം. അത് ലൌകിക ജ്ഞാനമോ മനുഷ്യന്റെ ജ്ഞാനമോ മാത്രമല്ല, ദൈവത്തിന്റെ ജ്ഞാനവും ആകുന്നു. ദൈവത്തിൻ്റെ ജ്ഞാനം ലൌകിക ജ്ഞാനത്തിൽ നിന്ന് വ്യത്യസ്തമാണ്. ലൌകിക ജ്ഞാനം മറ്റുള്ളവരെ എങ്ങനെ ജയിക്കാമെന്നും സ്വയം നേട്ടങ്ങൾ നേടാമെന്നും നിങ്ങളെ പഠിപ്പിക്കുന്നു, എന്നാൽ ഇത് പലപ്പോഴും വെറുപ്പിലേക്കും വേദനയിലേക്കും നയിക്കുന്നു. അതെ, ആളുകൾ ലൌകിക ജ്ഞാനത്തിലൂടെ ശക്തി നേടുന്നു, പക്ഷേ അവർ അത് എങ്ങനെ ഉപയോഗിക്കുന്നു? പലരും അത് മറ്റുള്ളവരെ നശിപ്പിക്കാൻ ഉപയോഗിക്കുന്നു, പ്രത്യേകിച്ച് അവർ ഭീഷണിപ്പെടുത്തുന്നവരായി കാണുന്നു. ലൌകിക ജ്ഞാനം വിനാശകരമാണ്, ആത്യന്തികമായി അത് അതിൽ ആശ്രയിക്കുന്നവരെ നശിപ്പിക്കുന്നു. മനുഷ്യന്റെ ജ്ഞാനം ഒരു വ്യക്തിയെ ഒരു കാലത്തേക്ക് ഉയർത്തിയേക്കാം, പക്ഷേ അത് പലപ്പോഴും അഹങ്കാരത്തിലേക്കും സ്വാർത്ഥതയിലേക്കും നയിക്കുന്നു, അത് ഒടുവിൽ അവരുടെ പതനത്തിന് കാരണമാകുന്നു. എന്നാൽ ദൈവത്തിൻ്റെ ജ്ഞാനം യേശുക്രിസ്തുവിലുള്ള ജ്ഞാനമാണ്. വേദപുസ്തത്തിലെ കൊലൊസ്സ്യർ 2:3-ൽ പറയുന്നു, “യേശുവിൽ ജ്ഞാനത്തിന്റെയും പരിജ്ഞാനത്തിന്റെയും നിക്ഷേപങ്ങൾ ഒക്കെയും ഗുപ്തമായിട്ടു ഇരിക്കുന്നു."

യേശുവിനുണ്ടായിരുന്ന ജ്ഞാനം എന്താണ്? അസൂയാലുക്കളായ ആളുകൾ അവനെതിരെ എഴുന്നേറ്റപ്പോൾ, അവനെ അനുഗമിച്ച ആയിരക്കണക്കിന് ആളുകളോട് അസൂയപ്പെട്ടപ്പോൾ, അവൻ എങ്ങനെയാണ് ജനങ്ങളെ സഹായിച്ചത്, ദരിദ്രരെ പരിപാലിക്കുകയും ഉപേക്ഷിക്കപ്പെട്ടവരെ ആലിംഗനം ചെയ്യുകയും ചെയ്തു. ഇത് അവന്റെ കാലത്തെ അസൂയയുള്ള നേതാക്കൾക്ക് സഹിക്കാൻ കഴിഞ്ഞില്ല. അവർ വ്യാജമായി ആരോപിച്ചു, അവനെ അറസ്റ്റ് ചെയ്യാൻ സർക്കാർ അധികാരങ്ങൾ ദുരുപയോഗം ചെയ്തു, അവനെ കുരിശിൽ തറച്ചു. എന്നാൽ അവർ അവിടെ നിർത്തിയില്ല. യേശു ക്രൂശിൽ തന്റെ ശാരീരിക വേദന സഹിക്കുമ്പോൾ, അവർ അവനെ കുറ്റപ്പെടുത്തുകയും പരിഹസിക്കുകയും ചെയ്തുകൊണ്ട് അവന്റെ മുന്നിൽ നിന്നു. അപ്പോൾ യേശു എന്താണ് ചെയ്തത്? "ഞാൻ നിരപരാധിയാണ്, എന്നെ രക്ഷിക്കൂ" എന്ന് അവൻ അപേക്ഷിച്ചിട്ടുണ്ടോ? ആ ദുഷ്ടശക്തികളുടെ മുന്നിൽ അവൻ തന്നെത്തന്നെ നീതീകരിച്ചോ? അതോ തന്നെ ശപിച്ചവരെ ശപിക്കാൻ അവൻ തന്റെ ദൈവിക അധികാരം ഉപയോഗിച്ചോ? ഇവയൊന്നും അവൻ ചെയ്തില്ല. യേശു ഒരിക്കലും മനുഷ്യൻ്റെ ജ്ഞാനത്തിലോ മനുഷ്യൻ്റെ ശക്തിയിലോ ആശ്രയിച്ചിരുന്നില്ല. പകരം, അവൻ ദൈവത്തിൻ്റെ ജ്ഞാനം പ്രകടമാക്കി.

സ്നേഹിക്കുക, സ്നേഹിക്കുക, സ്നേഹിക്കുക എന്നതാണ് ദൈവത്തിൻ്റെ ജ്ഞാനം. സ്നേഹത്തിലൂടെ വിദ്വേഷത്തെ കീഴടക്കുക എന്നതാണ് ദൈവത്തിൻ്റെ ജ്ഞാനം. അതെ, തന്റെ സ്നേഹത്തിലൂടെ, ലൌകികവും മാനുഷികവുമായ ജ്ഞാനത്തിലൂടെ വരുന്ന വിദ്വേഷത്തെയും സ്വാർത്ഥതയെയും അവന്റെ ജ്ഞാനം നശിപ്പിക്കുന്നു. കുരിശിൽ തൂങ്ങിയപ്പോൾ യേശു പറഞ്ഞു. "പിതാവേ, ഇവർ ചെയ്യുന്നതു ഇന്നതു എന്നു അറിയായ്കകൊണ്ടു ഇവരോടു ക്ഷമിക്കേണമേ." സകല മനുഷ്യരുടെയും രക്ഷയുടെ ഏക മാർഗം താനാണെന്ന് യേശുവിന് അറിയാമായിരുന്നു. അതിനാൽ, കുരിശിൽ നിന്ന്, തന്നോട് തെറ്റ് ചെയ്തവർക്കുവേണ്ടി അവൻ ഇങ്ങനെ പ്രാർത്ഥിച്ചു, “കർത്താവേ, അവരോട് ക്ഷമിക്കണമേ. അവർ എന്താണ് ചെയ്യുന്നതെന്ന് അവർക്കറിയില്ല. ” അവൻ പറഞ്ഞു, “എനിക്ക് മാത്രമേ ക്ഷമിക്കാൻ അധികാരമുള്ളൂ. ഞാൻ ക്ഷമിക്കണം." അതാണ്  അവൻ്റെ സ്നേഹത്തിലൂടെ വെളിപ്പെട്ട ദൈവത്തിൻ്റെ ജ്ഞാനം. അതുകൊണ്ടാണ് ഇന്ന്, എല്ലാ ശക്തിയും കൈവശമുള്ളവനും എന്നിട്ടും നാം അനുഭവിക്കുന്ന കഷ്ടപ്പാടുകൾ സഹിക്കാൻ തിരഞ്ഞെടുക്കുകയും ശത്രുക്കളോട് ക്ഷമിക്കുകയും ചെയ്യുന്ന ദൈവമായി നാം അവനെ വാഴ്ത്തുന്നത്. തന്നെ ദ്രോഹിച്ചവരോട് പോലും അവൻ ക്ഷമിക്കുന്നു. നാമും കർത്താവിനോട് അനീതി ചെയ്തു. എന്നിട്ടും അവൻ നമ്മോട് ക്ഷമിച്ചു. അവന്റെ പാപമോചനത്തിലൂടെ നാം യേശുവിന്റെ മക്കളായി മാറിയിരിക്കുന്നു.

നിങ്ങൾക്കും യേശുവിൻ്റെ പൈതലാകാൻ കഴിയും. "എനിക്ക് ലൌകിക ജ്ഞാനം ഉണ്ട്" എന്ന് നിങ്ങൾ പറഞ്ഞേക്കാം, എന്നാൽ ആ ജ്ഞാനം നിങ്ങളെ മറ്റുള്ളവരെ വേദനിപ്പിക്കുകയോ മറ്റുള്ളവരെ നശിപ്പിക്കാൻ വേണ്ടി പ്രവർത്തിക്കുകയോ ചെയ്യുന്നുവെങ്കിൽ, അത് ദൈവത്തിന്റെ ജ്ഞാനമല്ല. നിങ്ങൾക്ക് മാനുഷിക ജ്ഞാനം ഉണ്ടായിരിക്കാം, ഉന്നതിയിലെത്താം, പക്ഷേ അത് നിങ്ങളുടെ ഹൃദയത്തിൽ സ്വാർത്ഥതയും അഭിമാനവും കൊണ്ടുവന്നിട്ടുണ്ടെങ്കിൽ, നിങ്ങൾക്ക് ഒരു സമാധാനവും കണ്ടെത്താനാവില്ല.

ഇന്ന്, യേശുവിൻ്റെ ജ്ഞാനത്തിനായി യാചിക്കുക. അവൻ്റെ ജ്ഞാനം നിങ്ങളെ സംരക്ഷിക്കും. അവൻ്റെ ജ്ഞാനം നിങ്ങളെ ദൈവപൈതലാക്കും. അവൻ്റെ ജ്ഞാനത്താൽ, നിങ്ങൾ ആയിരക്കണക്കിന് ആളുകൾക്ക് ഒരു അനുഗ്രഹമായിരിക്കും, മാത്രമല്ല എല്ലാവരും നിങ്ങളെ സ്നേഹിക്കും. ദൈവം നിങ്ങൾക്ക് ഈ അനുഗ്രഹം നൽകട്ടെ.

PRAYER:
സ്നേഹമുള്ള കർത്തവായ യേശുവേ, അങ്ങേയ്ക്കു മാത്രം നൽകാൻ കഴിയുന്ന ജ്ഞാനം തേടി ഞാൻ താഴ്മയോടെ അങ്ങയുടെ സന്നിധിയിൽ വരുന്നു. അങ്ങയുടെ ദിവ്യസ്നേഹത്താലും, വിദ്വേഷത്തെയും സ്വാർത്ഥതയെയും ജയിക്കുന്ന അങ്ങയുടെ ജ്ഞാനത്താലും എന്റെ ഹൃദയം നിറയ്‌ക്കേണമേ. അങ്ങയുടെ വഴികളിൽ നടക്കാനും അഹങ്കാരവും ലൌകിക അഭിലാഷങ്ങളും നിരസിക്കാനും എന്നെ സഹായിക്കണമേ. ക്രൂശിൽ അങ്ങയെ ഉപദ്രവിച്ചവരോട് അങ്ങ് ക്ഷമിച്ചതുപോലെ എന്നോട് തെറ്റ് ചെയ്തവരോട് ക്ഷമിക്കാൻ എന്നെ പഠിപ്പിക്കണമേ. വിദ്വേഷത്തിന്മേൽ സ്നേഹവും അഹങ്കാരത്തിന്മേൽ വിനയവും അത്യാഗ്രഹത്തിന്മേൽ നിസ്വാർത്ഥതയും തിരഞ്ഞെടുക്കാനുള്ള കൃപ എനിക്ക് നൽകണമേ. അങ്ങയുടെ ജ്ഞാനത്തിൽ, എന്നെ സുരക്ഷിതമായി സൂക്ഷിക്കുകയും ഓരോ ദിവസവും എന്നെ അങ്ങയിലേക്ക് അടുപ്പിക്കുകയും ചെയ്യേണമേ. അങ്ങയുടെ മഹത്തായ നാമത്തിൽ ഞാൻ പ്രാർത്ഥിക്കുന്നു. ആമേൻ.