நான் ஒரு இளம் பங்காளர். கர்த்தர் என் வாழ்வில் அசைவாடின விதத்தை நான் பகிர்ந்துகொள்ள விரும்புகிறேன். ஆகஸ்ட் 31 ஆம் தேதி, நான் நர்சிங்கிற்கான தொழில்சார் ஆங்கிலத் தேர்வை (OET) எழுதினேன். நான் கேட்கும் மற்றும் பேசும் பகுதிகள் பற்றி மிகவும் கவலையாக இருந்தேன். இந்நிலையில் நான் ஜெபத்திற்காக Dr.பால் தினகரன் அவர்களுக்கு மின்னஞ்சல் அனுப்பினேன். அவரிடமிருந்து பதிலை பெற்றவுடன் ஒரு அமைதியை உணர்ந்தேன். தேர்விற்கு முன்னும் பின்னும் நான் இயேசு அழைக்கிறார் ஜெப கோபுரத்திற்கு சென்றேன். அவர்களுடைய ஜெபங்கள் என் விசுவாசத்தையும் தன்னம்பிக்கையையும் பெருகச் செய்தது. கேட்கும் தொகுதி மிகவும் கடினமாக இருந்தபோதிலும், ஆண்டவர் என்னை ஒருபோதும் தோல்வியடையச் செய்ய மாட்டார் என்ற நம்பிக்கையை நான் உறுதியாகப் பிடித்துக் கொண்டேன். தேர்வு முடிவுகள் வந்தபோது, நான் ஆச்சரியப்பட்டேன். எனது முதல் முயற்சியிலேயே அனைத்து தொகுதிகளிலும் பி தரத்துடன் தேர்ச்சி பெற்றேன். இந்த வெற்றி முற்றிலும் ஆண்டவருடைய தெய்வீக ஞானத்தாலும் கிருபையாலும் கிடைத்தது. ஏப்ரல் மாதத்தில், நான் மீண்டும் பதட்டமாக இருந்தேன். ஆதார் பிரச்சனையால் எனது இறுதியாண்டு உதவித்தொகை வரவு வைக்கப்படவில்லை. பல மின்னஞ்சல்கள் மற்றும் தொலைபேசி அழைப்புகள் இருந்தபோதிலும், எதுவும் வேலை செய்யவில்லை. ஆண்டவர் என் ஜெபத்திற்கு பதிலளித்தால், இயேசு அழைக்கிறார் ஊழியத்திற்கு ஒரு பகுதியை நன்கொடையாக வழங்குவதாக பொருத்தனை செய்து ஜெபித்தேன். என்ன ஆச்சரியம்! எனது தேர்வு முடிவுகள் வெளியான மறுநாள், உதவித்தொகை எனக்கு வரவு வைக்கப்பட்டது. வார்த்தைகளால் விவரிக்க முடியாத அளவுக்கு நன்றியுடன், நான் என் பொருத்தனையை நிறைவேற்றி நன்றி காணிக்கை அனுப்பினேன். ஆண்டவர் செய்த அற்புதத்திற்காக அவருக்கே துதிகளையும், ஸ்தோத்திரங்களையும் ஏறெடுக்கிறேன். மேலும் Dr.பால் தினகரன் அவர்களுக்கும், இயேசு அழைக்கிறார் ஜெப வீரர்களுக்கும் நன்றியைத் தெரிவித்துக்கொள்கிறேன். இளம் பங்காளர் திட்டத்தின் மூலம் ஆண்டவருடைய வல்லமையை நான் முழுமையாக அனுபவித்தேன்.